Բլագովեշչենսկում կրակոցների գործով ՌԴ ՔԿ-ն երրորդ գործն է հարուցել. խոսել է նաև Դմիտրի Մեդվեդևը

Բացվել է ևս մեկ՝ արդեն երրորդ քրեական գործը Բլագովեշչենսկի քոլեջում կրակոցների փաստի առթիվ, ինչի հետևանքով մարդիկ են մահացել և վիրավորվել: Այդ մասին հայտնում է РИА Новости-ն:

Ինչպես նշվել է, մինչ այդ գործեր հարուցվել էին քոլեջում պատշաճ պահպանության բացակայության և խուլիգանական դրդապատճառներով երկու անձանց սպանության հարցով:

Ներկայումս գործ է հարուցվել  Ռուսաստանի Քրեական օրենսգրքի 293 հոդվածի առաջին մասի հատկանիշներով՝ «անփութություն»:

Ինչպես արդեն  հայտնել էինք, Բլագովեշչենսկի քոլեջում ուսանողը կրակ էր բացել համակուրսեցիների ուղղությամբ:

Կրակոցներին էր անդրադարձել ՌԴ վարչապետ Դմիտրի Մեդվեդևը, ով  ընդգծել էր, որ նման միջադեպը եզակի երևույթ չէ, և ԿԳՆ-ին հորդորել է հատուկ ուշադրությամբ ուսումնասիրել իրավիճակը:

«Եվ, չնայած ձեռնարկված միջոցներին, նման միջադեպեր են տեղի ունենում»,- ավելացրել էր Մեդվեդևը:

Նա նաև հանձնարարել է ԿԳ նախարար Օլգա Վասիլևային վերլուծել Ամուրի շրջանի կրթական համակարգի տեղական ղեկավարների պատասխանատվությունը: