Իմ օրոք Գյումրին ամենաոչկրիմինալ հանցագործություն կատարած քաղաքն էր. Ղուկասյան
Գյումրիի նախկին քաղաքապետ, ԲՀԿ-ական պատգամավոր Վարդան Ղուկասյանն այսօր լրագրողների հետ զրույցում անդրադարձել է իր՝ իբրև քաղաքապետ պաշտոնավարման տարիներին: Նա շեշտել է՝ ըստ վիճակագրության՝ այդ ժամանակ Հայաստանի Հանրապետության ամենաոչկրիմինալ հանցագործություն կատարած քաղաքը Գյումրին էր:
«Իմ օրոք ամբողջ քաղաքը համերաշխ է եղել, էնքան հարգանք ենք ունեցել, որ եթե ջահելները իրար հետ խնդիր են ունեցել, ես խաբար եմ արել, որ՝ ներեք, համերաշխ եղեք, ջիգյարով եղեք, և թաղերը իրար հետ բարիդրացիական հարաբերությունների մեջ են եղել:
Բայց ցավոք, որոշ մարդկանց ձեռ չէր տալիս, որ քաղաքը էդպես բռունցքված լիներ, որ ժողովուրդը գնա էդպիսի մարդու հետևից, որովհետև վախ են ապրում էն մարդկանցից, որոնց ժողովուրդը սիրում է, հատուկ աշխատում են, որ վարկաբեկեն, քարկոծեն, սպանեն, մորթեն և ինչ-որ կա, իրենց տակն է»,- ասել է նա:
