Ոստիկանության Մաշտոցի բաժնի քրեական հետախույզները, իրացնելով ստացված օպերատիվ տվյալները, նոյեմբերի լույս 7-ի գիշերը անչափահասների գործերով ծառայողների հետ Հասրաթյան փողոցից բաժին բերման են ենթարկել 25 և 21-ամյա երկու երիտասարդի։

ՀՀ ոստիկանության տեղեկատվության եւ հասարակայնության հետ կապերի վարչության փոխանցմամբ, նրանց անձնական խուզարկությամբ հայտնաբերվել են մոխրանման զանգվածներով կաթուցիչներ ու մարիխուանայի նմանվող դեղնականաչավուն զանգված։

Դրանք փաթեթավորվել և ուղարկվել են ոստիկանության փորձաքրեագիտական վարչություն։ Նշանակվել են դատաքիմիական ու տոքսիկոքիմական փորձաքննություններ։ Դեպքի առթիվ նախապատրաստվում են նյութեր։