Քաղաքականություն

Կենտրոնի թաղապետի պաշտոնում Վիկտոր Մնացականյանին փոխարինում է Ալեն Սիմոնյանի աները

Կենտրոնի թաղապետի պաշտոնում Վիկտոր Մնացականյանին փոխարինում է Ալեն Սիմոնյանի աները
Երևանի Կենտրոն վարչական շրջանի ղեկավարի պաշտոնակատար է նշանակվել Ձոնիկ Մարգարյանը: Այս մասին Armtimes.com-ին հայտնել է քաղաքապետի մամուլի խոսնակ Հակոբ Կարապետյանը: Մինչ այդ, Ձոնիկ Մարգարյանը…

Երևանի Կենտրոն վարչական շրջանի ղեկավարի պաշտոնակատար է նշանակվել Ձոնիկ Մարգարյանը: Այս մասին Armtimes.com-ին հայտնել է քաղաքապետի մամուլի խոսնակ Հակոբ Կարապետյանը: Մինչ այդ, Ձոնիկ Մարգարյանը զբաղեցնում էր վարչական շրջանի ղեկավարի տեղակալի պաշտոնը:

 

Կենտրոն վարչական շրջանի նախկին ղեկավար Վիկտոր Մնացականյանի՝ աշխատանքից ազատման դիմումը նոյեմբերի 1-ին ստորագրել է Երևանի քաղաքապետի տեղակալ Հրաչյա Սարգսյանը։

 

Քաղաքապետարանից նաև հաստատել են այն տեղեկությունը, որ Վիկտոր Մնացականյանը կարգապահական պատասխանատվության է ենթարկվել՝ նշելով. «Երևանի քաղաքապետի հոկտեմբերի 2-ի համապատասխան կարգադրությամբ՝ աղբամանների փոխարինման աշխատանքները պատշաճ չկազմակերպելու համար Կենտրոն վարչական շրջանի ղեկավար Վիկտոր Մնացականյանի նկատմամբ կիրառվել է նկատողություն կարգապահական տույժը»:

 

Կենտրոն վարչական շրջանի ղեկավարի ԺՊ Ձոնիկ Մարգարյանն Ազգային ժողովի փոխնախագահ, «Իմ քայլը» խմբակցության պատգամավոր Ալեն Սիմոնյանի կնոջ հայրն է:

 

Ձոնիկ Մարգարյանը նախկինում զբաղեցրել է ՀՀ աշխատանքի և սոցիալական հարցերի նախարարության աշխատակազմի ղեկավարի պաշտոնը: 2010 թվականին վարչապետ Տիգրան Սարգսյանի կողմից ստանալով երկու խիստ նկատողություն, ապա ենթարկվելով կարգապահական տույժի՝ աշխատանքից ազատման դիմում է ներկայացրել:


 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7460) Միջազգային (3260) ԱՄՆ (2287) Ռուսաստան (2107) Իրան (1738) Ընտրություններ (1273) Ուկրաինա (827) Երևան (799) Իսրայել (759) Ադրբեջան (621) Փաշինյան (560) Եվրոպա (510) Ընդդիմություն (437) Թրամփ (430) Ազգային ժողով (417)

Radio Aurora

Լսել Radio Aurora

Գովազդային տարածք

300x250