Այս դատավորից ակնկալիք պետք չէ ունենալ արդարադատության իրականացման հարցում. Լևոն Քոչարյան

Դատարանի որոշումն ինձ համար սպասելի էր, շուտվանից պարզ էր, որ դատավոր Աննա Դանիբեկյանից արդարադատություն սպասելը միամտություն է։ Այս մասին լրագրողների հետ զրույցում ասաց Ռոբերտ Քոչարյանի որդին՝ Լևոն Քոչարյանը։ 

«Ոչ մի վայրկյան չեմ զարմանում նրա հերթական ապօրինի որշման վրա», - ասաց նա:

Լեւոն Քոչարյանի խոսքով՝ այս տարիների ընթացքում իրենց ընտանիքի հետ կապված ստեր են տարածվել․

«Ինչ հիմարություն, ինչ սուտ, ինչ ստոր բան ասես գրվել է, մամուլի գրածը համարել ճշմարտության ատյան, սխալ է»։ 

Հիշեցնենք, Երևանի ընդհանուր իրավասության դատարանն դատավոր Աննա Դանիբեկյանի նախագահությամբ այսօր մերժեց ՀՀ երկրորդ նախագահ Ռոբերտ Քոչարյանին գրավի դիմաց ազատ արձակելու միջնորդությունը։