![Վիկտոր Մնացականյանի ազատման դիմումը ստորագրվել է](https://auroranews.am/storage/img/base_image/old/2e0a78485b24f8b3c12be02faf43ce01.webp)
Վիկտոր Մնացականյանի ազատման դիմումը ստորագրվել է
![Վիկտոր Մնացականյանի ազատման դիմումը ստորագրվել է](https://auroranews.am/storage/img/base_image/old/2e0a78485b24f8b3c12be02faf43ce01.webp)
Կենտրոն վարչական շրջանի ղեկավար Վիկտոր Մնացականյանի՝ աշխատանքից ազատման դիմումն ուրբաթ օրը՝ նոյեմբերի 1-ին, ստորագրել է Երևանի քաղաքապետի տեղակալ Հրաչյա Սարգսյանը։
Այս մասին NEWS. am-ին ասել է քաղաքապետի մամուլի խոսնակ Հակոբ Կարապետյանը։
Նրա փոխանցմամբ՝ Կենտրոն վարչական շրջանի ղեկավարի ժամանակավոր պաշտոնակատար է նշանակվել Ձոնիկ Մարգարյանը, որը նախկինում վարչական շրջանի ղեկավարի տեղակալն էր։
Քաղաքապետարանից հայտնել են նաև, որ Վիկտոր Մնացականյանը կարգապահական պատասխանատվության է ենթարկվել․ «Երևանի քաղաքապետի հոկտեմբերի 2-ի համապատասխան կարգադրությամբ աղբամանների փոխարինման աշխատանքները պատշաճ չկազմակերպելու համար, Կենտրոն վարչական շրջանի ղեկավար Վիկտոր Մնացականյանի նկատմամբ կիրառվել է նկատողություն կարգապահական տույժը»։