![Բաբայանին ձերբակալելու որևէ հիմք չի եղել, այս գործն ունի քաղաքական մոտիվացիա. Ալավերդյան](https://auroranews.am/storage/img/base_image/old/72b40e56914428d43b03d62458d54590.webp)
Բաբայանին ձերբակալելու որևէ հիմք չի եղել, այս գործն ունի քաղաքական մոտիվացիա. Ալավերդյան
![Բաբայանին ձերբակալելու որևէ հիմք չի եղել, այս գործն ունի քաղաքական մոտիվացիա. Ալավերդյան](https://auroranews.am/storage/img/base_image/old/72b40e56914428d43b03d62458d54590.webp)
ԱԺ աշխատակազմի ղեկավարի նախկին տեղակալ Արսեն Բաբայանի ձերբակալման մեջ կա քաղաքական մոտիվացիա: Այս մասին Tert.am-ի հետ զրույցում ասել է իրավապաշտպան, Մարդու իրավունքների նախկին պաշտպան Լարիսա Ալավերդյանը:
Նրա Վերջինիս կարծիքով` բոլոր նրանք, ովքեր քննադատաբար են արտահայտվում այս իշխանության հասցեին, դառնում են թիրախ:
«Իր ձերբակալությունից մի քանի օր առաջ Բաբայանը մի հաղորդման հյուր էր, որի ընթացքում իր քննադատական տեսակետներն էր հայտնում իրավապահ մարմինների մասին: Ճիշտն ասած, մտքովս անցավ, որ այդ ելույթը կարող էր անդրադառնալ Արսեն Բաբայանի վրա, փաստորեն, այդպես էլ եղավ»,- ասել է Ալավերդյանը` ընդգծելով, որ Բաբայանի ձերբակալման որևէ ծանրակշիռ հիմք չի եղել:
Ըստ նախկին ՄԻՊ-ի՝ այս գործընթացների հիմնական պատճառներից մեկը իշխող ուժի վարած քաղաքականությունն է:
«Վերջերս իշխող խմբի պատգամավորներից մեկն ասել է, որ երբ ասում էին` «մերժիր Սերժին», նշանակում է, մերժում են բոլոր նրանց, ովքեր նրա պաշտոնավարման ժամանակահատվածում ինչ-որ դերակատարություն են ունեցել: Հավանաբար, կա ինչ-որ գործիքակազմ, որով ստուգում են, ովքեր են ամբողջովին կողմնակից իրենց»,-ասել է Ալավերդյանը:
Նրա համոզմամբ` Արսեն Բաբայանին առնչվող քրեական գործը կապված է Սահմանադրական դատարանի նախագահ Հրայր Թովմասյանի հետ:
«Կարծես թե վաղուց է հայտնի Հրայր Թովմասյանի` ՍԴ նախագահ ընտրվելու գործընթացը: Այդ դեպքում ինչո՞ւ այս գործողությունները սկսվեցին նրանից հետո, երբ ՍԴ-ն ընդունեց բոլորիս հայտնի որոշումը` մերժել ԱԺ դիմումը` Թովմասյանի լիազորությունները դադարեցնելու վերաբերյալ»,- ասել է Ալավերդյանը` նշելով, որ, օրինակ` երբ հարցը վերաբերում է Հրայր Թովմասյանին կամ ՀՀ երկրորդ նախագահ Ռոբերտ Քոչարյանին, կա նաև անձնավորված քաղաքականություն:
Մանրամասները՝ նյութի սկզբնաղբյուրում: