«Գարաժս վառեցին, ես դարձա քաղաքական հալածյալ»․ Արշակ Սադոյան
Եթե Նիկոլը չցանկանա, Վազգեն Մանուկյանը հրաժարական չի տա։ Այս մասին այսօր լրագրողների հետ հանդիպմանն ասաց Հանրային խորհրդի անդամ, Ազգային ժողովրդավարների դաշինք կուսակցության նախագահ Արշակ Սադոյանը:
Նշեն, որ ավելի վաղ Հանրային խորհրդի նախագահ Վազգեն Մանուկյանը հայտարարել էր, որ եթե իշխանությունները համաձայն չեն իր հետ ու չեն ուզում իրեն տեսնել Հանրային խորհրդի նախագահ, ցանկացած պահի վարչապետը կարող է հրավիրել իրեն ու ասել այդ մասին, որից հետո ինքը հրաժարական կտա:
Սադոյանը պատմել է, որ 1996թ. նախագահական ընտրությունների մասին` նշելով, որ ինքը այդ ժամանակ եղել է քաղաքական հալածյալ: Այդ ժամանակ, ըստ Սադոյանի, իրենք հստակ իմացել են, որ հաղթել է Վազգեն Մանուկյանը, սակայն կեղծվել են ընտրության արդյունքները:
«Այդ օրերին ինձ հալածեցին, իմ գարաժը վառեցին, ես դարձա քաղաքական հալածյալ»,- ասել է Սադոյանը` հավելելով, որ ինքը 1990-ական թվականներին ենթարկվել է քաղաքական հալածանքների:
