Ռուսաստանը Հայաստանին ավելի շատ զենք է վաճառում. Կալաշնիկովը՝ Ադրբեջանին զենք վաճառելու մասին

Ռուսաստանի՝ Ադրբեջանին զենք վաճառելու հարցն այսօր չի քննարկվել, քանի որ սա խորհրդարանական վեհաժողով է։ 

Այս մասին այսօր, ՀԱՊԿ խորհրդարանական վեհաժողովի խորհրդի նիստ ասաց Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահ Լեոնիդ Կալաշնիկովը։ 

«Քննարկում ենք հարցեր, որոնք կապված են մեր խորհրդարանական գործունեության հետ»,-նշեց Կալաշնիկովը։  

«Ռուսաստանը միայն Ադրբեջանին չէ, որ զենք է վաճառում, նա զենք վաճառում է նաև ինչպես իր գործընկերներին, այնպես էլ իր դաշնակիցներին՝ օրինակ Հայաստանին։ Ընդ որում, վաճառում է շատ ավելի շատ, և  այնպիսի զենք որ այլ երկրներ չեն վաճառում»,-ասաց Կալաշնիկովը։  

Դիտարկմանը, որ այնուամենայնիվ Հայաստանին անհանգստացնում է  Ռուսաստանի՝ Ադրբեջանին զենք վաճառելու փաստը,  Կալաշնիկովը պատասխանեց. 

«Իհարկե անհանգստացնում է, ինչպես Ադրբեջանին անհանգստացնում է, որ Հայաստանին նորագույն զենք է վաճառվում։ Դրա համար կան երկրի ղեկավարներ»։