Պոպուլիզմը 10 միլիոն ծառի մասին խոսելը և բյուջեում չնախատեսելն է․ Թանդիլյան

Ազգային ժողովում բյուջեի քննարկման ժամանակ տնտեսական աճի կանխատեսումների մասին խոսելիս իմքայլական Արտակ Մանուկյանը հիշատակեց պոպուլիզմն ու ասաց, որ 2020 թվականի բյուջեն միտված է ոչ թե կարճաժամկետ հաջողություններ գրանցելուն, այլ ապագային։

«Պոպուլիզմը 10 միլիոն ծառի մասին խոսելն է և բյուջեում չնախատեսելն է»,- պատասխանեց «Լուսավոր Հայաստան» կուսակցության անդամ Մանե Թանդիլյանը։

Հիշեցնենք, որ բյուջեի նախաքննարկման ժամանակ այս հարցին պատասխանելիս կառավարության ներկայացուցիչները նշել էին, որ այդ ծրագրի ֆինանսավորմանը կարող է ծառայել անտառների պահպանության համար նախատեսված գումարը, ինչպես նաև կարող են ներգրավվել ոչ բյուջետային միջոցներ։