Նոյեմբերի 3-ին իրանա-ադրբեջանական սահմանին ադրբեջանցի սահմանապահները նկատել են, որ անհայտ անձը փորձում է հատել պետական սահմանը:  Սահմանապահ ջոկատները բերվել են կրակային պատրաստության վիճակի, ծառայողական տարածքն ամբողջովին փակվել է: Սահմանախախտն օդ կատարված նախազգուշական կրակոցից հետո չի կանգնել ու փորձել է փախչել Իրանի ուղղությամբ: Սահմանապահները կրակել են նրա ուղղությամբ, սահմանախախտը ստացված վիրավորումներից մահացել է:

Խուզարկության արդյունքում նրա պայուսակում գտնվել է 12 կիլոգրամ 340 գրամ թմրանյութ, «Pietro Beretta» մակնիշի ատրճանակ, 1 փամփշտակալ և 8 փամփուշտ: