Իմ օրոք ցենզուրա չի լինելու. նախարարը` Մելինե Դալուզյանի մասին ֆիլմի մասին
Դա էական չէ, թե որ նախարարի օրոք է եղել, այո´, այս իշխանության օրոք է եղել: Այս մասին այսօր լրագրողների հետ զրույցում ասաց ԿԳՄՍ նախարար Արայիկ Հարությունյանը՝ պատասխանելով հարցին, թե, ի վերջո, որ նախարարի ժամանակ են տրամադրվել ծանրորդ Մելինե Դալուզյանի մասին ֆիլմ նկարահանելու համար նախատեսված դրամական միջոցները:
«Նախկիններին թողես, ամեն ինչն էլ կքննադատեն: Ես ասել եմ, որ դա իմ օրոք չի եղել, բայց դրան հավելել եմ շատ կարևոր բայց՝ իմ նախարարության օրոք մշակույթի ոլորտում ցենզուրա չի լինելու: Սա բոլորը շատ հստակ թող ընկալեն: Սատանիզմի հիմքով համերգներ չեղարկելն այլևս չի լինելու Հայաստանում»,- ասաց նախարարը
