Առավոտ շուտ այդ դաժան լուրը լսելը կրկնակի ցավոտ էր․ ավագանու անդամ

Երևանի ավագանու «Իմ քայլը» խմբակցության անդամ Իզաբելլա Աբգարյանը ֆեյսբուքյան իր էջում գրել է, որ երեք կենգուրուների անկումը մեծ կորուստ է Կենդանաբանական այգու համար.

«Առավոտ շուտ այդ դաժան լուրը լսելը կրկնակի ցավոտ էր, որովհետև տեղի ունեցածի համար նաև անձնական պատասխանատվություն եմ զգում:

Մի կողմից մարդասիրական կերպով ենք վնասազերծում շներին՝ պահպանելով նրանց կյանքը, մյուս կողմից՝ չկարողացանք պահպանել երեք կենգուրու:

Ոհմակները հաղթում են՝ ունենալով թվի առավելություն: Այո, Կենդանիների վնասազերծման ՀՈԱԿը աշխատում է իր ուժերի մաքսիմալ չափով, բայց դա թույլ չի տալիս այս փուլում ապահովագրել առաջին հերթին երևանցիներին ոհմակների հարձակումից:

Երկրորդ խնդիրը վերաբերում է կոնկրետ Կենդանաբանական այգու տարածքին, որը մինչ օրս պարսպապատված չէ: Թեպետ խնդիրը բարձրացվել է և աշխատանքները մեկնարկել են, բայց կրկին ժամանակի խնդիրը իր «սև գործն» արեց:
Շատ ցավալի իրողության առնչվեցինք»: