ՏԵՍԱՆՅՈՒԹ. Գրասենյակից գողություն կատարած երիտասարդին բերման են ենթարկել րոպեներ անց

Հոկտեմբերի 24-ին վաղ առավոտյան, ոստիկանության Կենտրոնական բաժնում հաղորդում ստացվեց, որ Մոսկովյան փողոցում գտնվող գրասենյակներից մեկից գողություն է կատարվել։

Ոստիկանությունից  հայտնում են, որ ահազանգից րոպեներ անց Կենտրոն վարչական շրջանում գիշերային ուժեղացված ծառայություն իրականացրած ՊՊԾ գնդի 3-րդ հատուկ գումարտակի ոստիկանները մի երիտասարդի բերման ենթարկեցին բաժին։ Պարեկող ոստիկանները հետապնդել էին նրան ու Թումանյան-Փարպեցի փողոցների խաչմերուկում բռնել։

Հետագա միջոցառումներով ոստիկանության Կենտրոնական բաժնի քրեական հետախույզները պարզեցին, որ բերման ենթարկվածը այլ անձանց հետ մայրաքաղաքի տարբեր վարչական շրջաններում մի շարք գողություններ է արել։ Միջոցառումները շարունակվբում են այդ անձանց ու գողոնը հայտնաբերելու ուղղությամբ։