Տան մահճակալին հայտնաբերվել է տղամարդու դի` այրվածքներով
Հայաստանի ԱԻՆ-ում, հոկտեմբերի 22-ին, ժամը 15:33-ին «911» ծառայություն ահազանգ է ստացվել, որ Երեւանի Զորավար Անդրանիկի փողոցի թիվ 120 շենքի բնակարաններից մեկից տարօրինակ հոտ է զգացվում, բնակիչը չի արձագանքում դռան թակոցներին ու հեռախոսազանգերին. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Փրկարարները բացել են բնակարանի դուռը. բնակարանում ծխապատ գոտի է եղել:
Հրդեհը մարվել է ժամը 16:25-ին:
Բնակարանի ննջասենյակում ծխացել են մահճակալի ներքնակը եւ էլեկտրական սավանը՝ մասամբ. մահճակալին հայտնաբերվել է Ալֆրեդ Հ.-ի (ծնված 1945 թ.) դին՝ այրվածքներով:
