«Իրավունք». Գնդապետի ծեծի գործով հարցաքննվել է նախկին մարզպետ Տրդատ Սարգսյանը

«Իրավունք» թերթը գրում է. 

Եղեգնաձորում սեպտեմբերի 18-ին տեղի ունեցած միջադեպով, որի ժամանակ դաժան ծեծի էր ենթարկվել փոխգնդապետ Արա Մխիթարյանը, «Իրավունքին» հասած տեղեկություններով, օրերս հարցաքննվել է նույն միջադեպի պատճառով պաշտոնին հրաժեշտ տված, Վայոց Ձորի արդեն նախկին մարզպետ Տրդատ Սարգսյանը:

Թերթի տեղեկությունը՝ ստուգելու համար դիմեցինք նախկին մարզպետին, սակայն հարցը լսելուն պես ասաց. «Այդ գործով որևէ հարցի չեմ պատասխանում:

Ընդամենը ուզում ենք հարցնել՝ հարցաքննվե՞լ եք, թե ոչ:

Նախաքննությունը կավարտվի, կիմանաք: Ոչինչ հիմա, կներեք, բայց չեմ պատասխանելու:

Հիշեցնենք, որ միջադեպի առիթվ հարուցված քրեական գործի շրջանակներում կալանավորվել է Տրդատ Սարգսյանի օգնական Հարություն Գրիգորյանը:

Մանրամասները թերթի այսօրվա համարում