Սիրիան պետք է ազատվի անօրինական օտարերկրյա ռազմական ներկայությունից. Պուտին-Էրդողան հանդիպման արդյունքները

Ռուսաստանը կիսում է Թուրքիայի մտահոգությունը՝ Սիրիայում անջատողական այն տրամադրությունների աճի հետ կապված, որոնք արհեստականորեն սնուցվում էին կողքից, հայտարարել է ՌԴ նախագահ Վլադիմիր Պուտինը։

Նրա խոսքով` առանց Թուրքիայի և Սիրիայի փոխադարձ հարգանքի վրա հիմնված համագործակցության ոչինչ անել հնարավոր չի լինի։

«Սահմանին խաղաղության եւ հանգստի պաշտպանությունը թուրքերը և սիրիացիները պետք է միասին իրականացնեն։ Այստեղ առանց Թուրքիայի եւ Սիրիայի միջեւ փոխհարգալից համագործակցության հնարավոր չէ»,- Թուրքիայի նախագահ Ռեջեփ Թայիփ Էրդողանի հետ բանակցություններից հետո ասել է նա, news.am-ը: 

Պուտինը հայտնել է, որ Մոսկվան և Անկարան պայմանավորվել են Սիրիայի հյուսիսում իրավիճակի հետ կապված մի քանի համաձայնագրերի մասին

Նա նշել է քրդերի և Սիրիայի կառավարության միջեւ լայնածավալ երկխոսության մեկնարկի անհրաժեշտությունը։

«Սիրիան պետք է ազատվի անօրինական օտարերկրյա ռազմական ներկայությունից։ Սիրիայում ամուր եւ երկարատև կայունության, մեր կարծիքով, կարելի է հասնել միայն այդ երկրի ինքնիշխանությունը եւ տարածքային ամբողջականությունը պահպանելով։ Սա սկզբունքային դիրքորոշում է, և մենք մանրամասն խոսել ենք այդ մասին Թուրքիայի նախագահի հետ։ Կարևոր է, որ թուրք դաշնակիցները կիսում են այդպիսի մոտեցումը»,- նշել է Պուտինը։