«Կոշ» ՔԿՀ-ի մոտից բերման են ենթարկել 3 հոգու
ՀՀ ոստիկանության Արագածոտնի մարզային վարչության Աշտարակի բաժնի ծառայողները, ՀՀ ԱՆ «Կոշ» քրեակատարողական հիմնարկից ստացված օպերատիվ տվյալներն իրացնելով, հոկտեմբերի 16-ին՝ ժամը 22։30-ի սահմաններում, թմրանյութ պահելու եւ օգտագործելու կասկածանքով «Կոշ» ՔԿՀ-ի մոտակայքից բերման են ենթարկել քաղաքացիներ Ս. Գ.-ին, Վ. Տ.-ին եւ Ա. Դ.-ին:
ՀՀ ԱՆ քրեակատարողական ծառայությունից հայտնում են, որ վերջինիս վարած մեքենայի սրահի արտաքին զննությամբ հայտնաբերվել են երկու առանձին փաթեթներ, որոնցում առկա են եղել մարիխուանա տեսակի թմրամիջոցին նմանվող, 2.0 գր եւ 0.84 գր քաշերով դեղնականաչավուն զանգվածներ:
Ժամեր անց՝ 00։30-ի սահմաններում, նույն հանգամանքներում բերման են ենթարկվել քաղաքացիներ Տ․ Կ․-ն եւ Ա․ Մ․-ն։ Վերջինիս տաբատի գրպանից հայտնաբերվել են 0․87 գրամ քաշով, իսկ մեքենայի սրահի զննությամբ՝ 0․26 գրամ քաշով մարիխուանա տեսակի թմրամիջոցին նմանվող, դեղնականաչավուն զանգվածներ։
Դեպքերի առթիվ նախապատրաստվում են նյութեր, նշանակվել է դատանյութագիտական փորձաքննություն։
