Հենց այսօր էլ Սևանում իրականացվում են մաքրման աշխատանքներ. Գրիգորյան

Այսօր կառավարության նիստից հետո շրջակա միջավայրի նախարար Էրիկ Գրիգորյանին նաև Սևանի մասին են հարցեր ուղղվել: 

Նախարարը նշել է, որ անցած տարի  170-ից   30 մլն խ/մ-ի  չափով ավելի է ջրառ իրականացվել, իսկ այս տարի նույնքանով պակաս, թեև պահանջարկը նույնն էր: 

Մյուս կողմից տեղումներն այս տարի ավելի քիչ են եղել ու գոլորշիացումը ավելի շատ, այսինքն այս  տարի նախորդի համեմատ պաայմանները ավելի վատն են եղել, բայց ջրառը էականորեն փոքր է եղել:  Գրիգորյանը հիշեցրել է, որ հիմա 4-5 սմ-ով ավելին է ջրի մակարդակը անցած տարվա ցուցանիշից: 

«Ուսումնասիրվել են երեք քաղաքների մաքրման կայանները, փաթեթը ներկայացվել է կառավարություն հետագա քայլերի համար: Այս տարվա մաքրման աշխատանքների ծավալը մեծացվել է, իսկ 2020-ի բյուջեում այդ նպատակին նախատեսված գումարները մի քանի անգամ ավելի մեծ են:  Հենց այսօր էլ իրականացվում են մաքրման աշխատանքներ: Սևանի խնդրի լուծումը կեղտաջրերի մուտքի նվազեցումն է և ջրի մակարդակի բարձրացումը»,- մասնավորապես նշել է նախարարը: