Լիբանանը հրդեհների զոհ է. շտապ հայտարարություն
Լիբանանի և Սիրիայի իշխանությունները երկրորդ օրն է՝ պայքարում են անտառային սաստիկ հրդեհների դեմ, իրադրությունը սրվել է եղանակային պայմանների՝ տապի և քամու ուժեղանալու պատճառով: Հրդեհաշիջմանը ներգրավվել են ռազմական ուղղաթիռներ և քաղաքացիական պաշտպանության ուժեր: Այս առնչությամբ Ռամկավար ազատական կուսակցության Լիբանանյան շրջանային վարչությունը շտապ հայտարարություն է տարածել, որում ասված է.
«Լիբանանը հրդեհների զոհ է: Վերջին երկու օրերի ընթացքում ավելի քան 140 հրդեհ է արձանագրվել, որոնք շարունակում են մոխիրի վերածել առանց այն էլ նոսրացած անտառները:
ՌԱԿ Լիբանանի Շրջանային Վարչությունը կոչ է ուղղում կուսակիցներին և համակիրներին անմիջական օգնության հասնել վնասված շրջաններին, ձեռք մեկնելով քաղաքացիական պաշտպանության ուժերին և հրշեջներին, ինչպես նաև տեղահան եղած ժողովրդին:
Նման աղետների ժամանակ կենսական է ազգային միասնակությունը՝ շրջանցելու համար ամեն դժվարություն: Սրան զուգահեռ ՌԱԿ-ը կոչ է ուղղում պատկան մարմիններին անհապաղ քննություն ձեռնարկել երևան հանելու նշյալ հրդեհների պատճառները, հուսալով նաև, որ պատկան մարմինները ավելի պատրաստ կլինեն դիմակալելու նման աղետներին, լիենն դրանք մարդու հեղինակությամբ գործած ոճիրներ, թե բնական գործոնով առաջացած փորձանքներ:
Այս առիթով ՌԱԿ իր կարողություններն է դնում վնասված շրջանների քաղաքապետարանների տրամադրության տակ, նոր ծառեր տնկելու, որոնք պետք է փոխարինեն վնասվածները՝ կանաչ պահելու մեր սիրելի Լիբանանը»,- ասված է հայտարարության տեքստում:
