Հայրը դանակահարել է անչափահաս որդուն. տղային հիվանդանոց են տեղափոխել
Sputnik Արմենիայի տեղեկություններով՝ երեկ գիշեր շտապօգնության խումբը Սուրբ Գրիգոր Լուսավորիչ բժշկական կենտրոն է տեղափոխել 15-ամյա պատանու, որ դանակահարված է եղել։
Բժիշկները պարզել են, որ տղայի վնասվածքը կրծքավանդակի շրջանում է ու անհրաժեշտ օգնություն են ցուցաբերել։
Անչափահասն ասել է, որ ընկել է, սակայն ըստ որոշ տեղեկությունների՝ հայր ու որդի տանը վիճել են, ինչի հետևանքով հայրը դանակահարել է տղային։
Ըստ թաղամասում շրջանառվող լուրերի`ոստիկանության ծառայողները հորը բերման են ենթարկել։ Իրավապահները պարզում են, թե ինչ է տեղի ունեցել իրականում։
