Սիրիական բանակը շարժվում է դեպի Քոբան, որը գտնվում է Հալեպից 150 կմ հեռավորության վրա

Սիրիացի զինծառայողները երեքշաբթի շարժվում են սահմանամերձ Քոբան քաղաքի ուղղությամբ, որը գտնվում է Հալեպից 150 կմ հեռավորությամբ՝ Եփրատ գետի արևելյան ափին:

Ինչպես հաղորդում է ТАСС գործակալությունը՝ հղում անելով արաբական աղբյուրին, բանակային ստորաբաժանումները կտեղակայվեն Թուրքիայի հետ սահմանի մոտ և վերահսկողություն կիրականացնեն Հալեպ-Հասակա ռազմավարական նշանակություն ունեցող մայրուղու մի հատվածում՝ Դամասկոսի և քրդական ինքնավարության միջև կնքված համաձայնության:

Բանակային շարասյունը Քոբան է ուղևորվել Մանբիջից (Հալեպից 85 կմ հեռավորությամբ), որտեղ այսօր բարձրացվել է սիրիական դրոշը քաղաքից ամերիկյան զորքերի դուրս բերումից հետո:

Երկուշաբթի կառավարական ուժերը զբաղեցրել են Մանբիջի շրջակայքում՝ սիրիական ընդդիմության զորամիավորումների հետ շփման գծում տեղակայված դիրքերը:

Քբանում 2015 թվականի հունվարին քուրդ աշխարհազորայինները տարել են իրենց առաջին հաղթանակն «Իսլամական պետություն» ահաբեկչական խմբավորման գրոհայինների դեմ: