Քարդաշյանի Հայաստանից հրապարակված նկարները 6.5 մլն լայք է հավաքել

Ամերիկյան ռեալիթի-շոուների աստղ Քիմ Քարդաշյանի վերջին 2 հրապարակումներն ինստագրամում 6.5մլն լայք են հավաքել: 

Նա 2 հրապարակում է արել Էջմիածնում իր ու իր երեխաների մկրտությունից: Դրանից մեկն ունի 4.1մլն, մյուսը՝ 2.4մլն լայք: Լուսանկարներին կից նա նաեւ գրառում է կատարել:

«Շնորհակալություն, Հայաստա՛ն, այս հիշարժան ճանապարհորդության համար: Օրհնված եմ, որ երեխաներիս հետ մկրտվել եմ Մայր Աթոռ Սուրբ Էջմիածնում, որը Հայաստանի գլխավոր տաճարն է եւ որը երբեմն ներկայացնում են որպես Հայ առաքելական եկեղեցու Վատիկան: Այս եկեղեցին կառուցվել է 303 թ.»,- գրել է նա իր հետեւորդների համար:

Հեռուստաաստղը Հայաստան էր այցելել՝ տեղեկատվական տեխնոլոգիաների WCIT համաժողովին մասնակցելու: Ժամանել էր հոկտեմբերի 6-ին, մեկնել՝ 9-ին: Նա շարունակում է գրառումներ անել ու նկարներ հրապարակել Հայաստանի մասին:

Քիմ Քարդաշյանը սոցիալական ցանցերում աշխարհում ամենաշատ հետեւորդներն ունեցող անձանցից է: Բոլոր սոցցանցերում ունի 250 մլն հետեւորդ, միայն ինստագրամում՝ 149 մլն: