Կինն անցել է Դավթաշենի կամրջի վտանգավոր գոտին և սպառնացել իրեն ցած նետել
Այսօր, ժամը 13:00-ի սահմաններում ոստիկանության Մաշտոցի բաժնի աշխատակիցը կանխել է 40-45 տարեկան կնոջ ինքնասպանության փորձը: Այս մասին հայտնում է shamshyan.com-ը:
Կինը փորձել է նետվել Դավիթաշենի կամրջից: Նա անցել է կամրջի վտանգավոր եզրագիծը և սպառնացել:
Դեպքի վայրում հավաքվածները նշել են, որ այդ կնոջն օգնող քաղաքացիների մեջ են եղել նաև ՀՀ ՊՆ Ռազմական ոստիկանության մի քանի ծառայողներ:
Դեպքի վայր է ժամանել նաև ոստիկանության Մաշտոցի բաժնի հերթապահ խումբը:
Այս պահին կինը անվտանգ գտնվում է փրկարարների, հոգեբան-փրկարարի և բժշկի հսկողության տակ:
Փաստի առթիվ ոստիկանության Մաշտոցի բաժնի հետաքննչական բաժանմունքում նյութեր են նախապատրաստվում:
Ոստիկանությունը պարզում է կնոջ ինքնությունը:
