Դրոնի ընկնելու դեպքում մտնելու էինք դաշտ. ինչպես են տղաները նախապատրաստվել «Դուդելանժ»-«Քարաբաղ» խաղին Արցախի դրոշը ծածանելու ակցիային

Եվրոպա լիգայի «Դուդելանժ»-«Քարաբաղ» հանդիպման 31-րդ րոպեին խաղը կանգնեցվել էր մարզադաշտում հայտնված Արցախի դրոշով դրոնի պատճառով: Բելգիայի մեր հայրենակիցները նոր տեսանյութ են հրապարակելմ թե ինչպես են Լյուքսեմբուրգի մարզադաշտում հայտնի ակցիային նախապատրաստվել: 

Ռուսական sport24.ru կայքը զրուցել է ակցիայի կազմակերպիչներց Սպարտակ Ադամյանի հետ: 
«Ես արդեն 22 տարի է բնակվում եմ Բելգիայում, մասնագիտությամբ հաշվապահ եմ: Երբ իմացանք, որ «Քարաբաղը» խաղալու է «Դուդելանժի» հետ, միանգամից որոշեցինք, որ գալու ենք և իրականացնենք ակցիան: Ադրբեջանցիները ամեն տեղ գոռում են, որ սպորտը քաղաքականությունից դուրս է, բայց ինենց ակումբի անվանումը ասում է հակառակի մասին: Քիչ չէ, որ ակումբն են այդպես անվանել, նրանք նաև ոչինչ չարեցին, որ Մխիթարյանը խաղա Բաքվում: 
 

Քանի որ ես դրոն ղեկավարելու փորձ չունեի, խնդրեցի ընկերոջս այս գործում օգնել: Նա սիրով համաձայնվեց: Մեզ պետք էր չորս մարդ, որպեսզի կյանքի կոչեինք մեր մտահաղացումը: Մենք բաժանվել էինք երկու խմբի, մի խումբը մարզադաշտին հարակից շենքի տանիքում էր, մյուսը` մարզադաշտում, որպեսզի նկարեինք և կապի միջոցով հայտնեինք դաշտում տիրող իրավիճակի մասին: Եթե դրոնը ընկներ, մենք երկուսով մտնելու էինք դաշտ: Չէինք կարող թույլ տալ, որ դրոշը հայտնվի ուրիշների ձեռքում: Ամեն ինչ անցել է մեր պլանով: Մեր գործն ավարտելուց հետո հանգիստ հետ ենք բերել դրոնը, դրել մեքենայում և հեռացել»,- ասել է Սպարտակ Ադամյանը: