Դավիթ Բեկի փողոցում «KIA» մակնիշի ավտոմեքենայի վարորդը վրաերթի է ենթարկել քաղաքացուն
Հոկտեմբերի 5-ին, ժամը 20:05-ին «911» ծառայություն ահազանգ է ստացվել, որ Երևանի Դավիթ Բեկի փողոցի թիվ 22/3 շենքի մոտակայքում տեղի է ունեցել ՃՏՊ՝ քաղաքացին վրաերթի է ենթարկվել. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ «KIA» մակնիշի ավտոմեքենայի վարորդը վրաերթի է ենթարկել 1964 թ. ծնված Լևոն Հ.-ին:
Փրկարարները Լևոն Հ.-ին մոտեցրել են շտապօգնության ավտոմեքենային, որ հոսպիտալացվել է «Էրեբունի» ԲԿ, որտեղ բժիշկները տուժածի առողջական վիճակը գնահատել են միջին ծանրության:
