Աշխարհի ամենահզոր միջուկային սառցահատ նավի վրա գործարկել են ատոմային ռեակտոր

Ռուսաստանում գործարկվել է «Արկտիկա» միջուկային սառզահատ նավի ռեակտորը։ Այն ամենահզորն է աշխարհում որևէ նավի վրա դրված միջուկային ռեակտորներից։ Փորձարկումը, ըստ ռուսական կողմի, անցել է բարեհաջող։

Ռեակտորը գործարկվել է նվազագույն հզորությամբ, քանի որ դա բավական է դրա գործունակությունը ստուգելու համար։ Դրանից հետո այն փորձարկվելու է «էներգետիկ» մակարդակում, իսկ հետո փորձարկվելու է նավի ընթացքի ժամանակ։

Միջուկային ռեակտորի ջերմային հզորությունը (տերմին է) 175 մեգավատտ է։ Համեմատելու համար նշենք, որ Մեծամորի ատոմակայանի նույն բնութագիրը 1375 մեգավատտ է։ Այսինքն նավի վրա դրված ռեակտորը ընդամենը 8 անգամ է զիջում ստացիոնար ատոմակայանին։

Ինչ վերաբերում է նավին, այն նախատեսված է արկտիկական սառցապատ ծովերում այլ նավերի համար ճանապարհ բացելու համար՝ սառույցները կոտրելու միջոցով։ Այս նավը ունակ է կոտրել մինչև 2,8-2,9 մետր հաստությամբ սառցադաշտերը։