Առողջապահության վրա ծախսվող պետական միջոցները 32% աճ են ունենալու
Երեկ Կառավարության կողմից ընդունված 2020 թ. պետական բյուջեի նախագծով, որը կներկայացվի Ազգային ժողով, առողջապահության բյուջեն կազմում է 111 մլրդ դրամ, որը ավելի է 2019 թ.-ի բյուջեից գրեթե 19 մլրդ դրամով, իսկ 2018 թ. բյուջեից 27 մլրդ դրամով:
Այս մասին ֆեյսբուքյան իր էջում գրել է Առողջապահության նախարար Արսեն Թորոսյանը: «Այսինքն՝ կարող ենք փաստել, որ առողջապահության վրա ծախսվող պետական միջոցներն ընդամենը երկու տարվա ընթացքում աննախադեպ՝ 32% աճ են ունենում:
Բյուջետային նոր ծրագրերի մասին կխոսենք հաջորդիվ»,- ասված է նախարարի գրառման մեջ:
