Արարատի մարզպետարանի մոտ իրականացվող ակցիայից բերման է ենթարկվել 5 անձ
Արարատի մարզպետարանի մոտից ՀՀ ոստիկանության Արտաշատի բաժին բերման է ենթարկվել 5 անձ՝ Վարչական իրավախախտումների վերաբերյալ ՀՀ օրենսգրքի 182 հոդվածով նախատեսված արարք կատարելու համար (Ոստիկանության օրինական պահանջը չկատարելը):
Այս մասին հայտնեցին ՀՀ ոստիկանության լրատվական վարչությունից՝ հավելելով, որ այս պահին կազմվում են համապատասխան արձանագրություններ:
Հիշեցնենք, որ խոսքն Արարատի մարզպետարանի մոտ տեղի ունեցած բողոքի ակցիայի ընթացքում բերման ենթարկվածների մասին է:
Նորաշենի նախկին գյուղապետ Նորայր Գրիգորյանին իր պաշտոնում վերականգնելու պահանջով Արարատի մարզպետարանի դիմաց ընթացող ակցիայի ընթացքում այսօր առավոտյան իրավիճակը լարվեց, որից հետո ոստիկանությունը բերման ենթարկեց մի քանի քաղաքացու, այդ թվում՝ համայնքապետի պաշտոնակատար Արտակ Հարությունյանին:
