86 տարի առաջ այս օրն իրականացվեց առաջին՝ Թբիլիսի-Երևան չվերթը
86 տարի առաջ այս օրը՝ սեպտեմբերի 30-ին, իրականացվեց առաջին՝ Թբիլիսի-Երևան չվերթը, որն էլ դարձավ Հայաստանի Հանրապետության քաղավիացիայի ստեղծման պատմության սկիզբը: «Զվարթնոց» օդանավակայանի ֆեյսբուքյան էջը տեղեկացնում է, որ Քաղավիացիայի առաջին ղեկավարը եղել է Գեղամ Ղարիբջանյանը։
Այդ օրվանից անցել են տարիներ, քաղավիացիան ունեցել է բազմաթիվ ղեկավարներ, բայց բոլորի նպատակը եղել է մեկը՝ զարգացնել հայկական ավիացիան:
«Զվարթնոց» օդանավակայանը շնորհավորում է Հայաստանի Հանրապետության քաղաքացիական ավիացիայի օրը:
«Մեր ցանկությունը ևս նույնն է՝ զարգացում հայկական քաղաքացիական ավիացիային: Թող որ երկնքում սավառնող օդանավերը լինեն անասելի շատ, իսկ անվտանգությունը լինի ուղեկից: Շնորհավո՜ր սեպտեմբերի 30, շնորհավո՜ր հայկական ավիացիայի օր»,- ասված է «Զվարթնոց» օդանավակայանի հաղորդագրության մեջ:
