Ակադեմիկոս Յուրի Հովհաննիսյանը Հայաստանում է
Հայազգի աշխարհահռչակ գիտնական, Ռուսաստանի գիտությունների ակադեմիայի ակադեմիկոս Յուրի Հովհաննիսյանը Հայաստանում է։ Նա հանգրվանել է «Ալեքսանդր» հյուրանոցում։ Տեղեկացանք, որ մեծանուն գիտնականին է այցելել Գիտության կոմիտեի նախագահ Սամվել Հարությունյանը։ Նրան խնդրեցինք մանրամասներ ներկայացնել գիտնականի հետ զրույցից․
«Յուրի Հովհաննիսյանը միշտ էլ գալիս է, սա իր հերթական այցելությունն էր, այստեղ ինքը բազմաթիվ ընկերներ և բարեկամներ ունի։ Այցելությունը ուղղակի մասնավոր բնույթ էր կրում, ամեն այցելության ժամանակ մենք քննարկում ենք, թե Հայաստանում գիտության ոլորտում ինչեր են կատարվում, ինչ բարեփոխումներ ենք նախատասում ապագայի համար, խոսել ենք ֆիզիկայի ինստիտուտի մասին, թե այնտեղ ինչ բարեփոխումներ են ենթադրվում, համալսարանի մասին և այլն։ Ինքը ամեն տարի միշտ գալիս է։ Նպատակներից մեկն էլ, իհարկե, ԵՊՀ 100-ամյակն էր։
Բացի այդ, Դուք գիտեք, որ 2019 թվականը հայտարարվել է Մենդելեևի աղյուսակի 150 ամյակի տարին, և ակադեմիայում եղավ դրան նվիրված խորհրդակցություն, Հովհաննիսյանը դասախոսություն կարդաց, և ելույթ ունեցավ ԵՊՀ ֆիզիկայի ֆակուլտետում»,- «Հրապարակի» հետ զրույցում ասաց Հարությունյանը։
Մանրամասները սկզբնաղբյուր կայքում
