Հասարակություն

Կենդանաբանական այգու տնօրենը դատի է տվել լրագրող Նարինե Կիրակոսյանին

Կենդանաբանական այգու տնօրենը դատի է տվել լրագրող Նարինե Կիրակոսյանին
Երեւանի կենդանաբանական այգու տնօրեն Ռուբեն Խաչատրյանը դատական հայց է ներկայացրել լրագրող-բնապահպան Նարինե Կիրակոսյանի դեմ: Այս մասին տեղեկանում ենք Դատական տեղեկատվական համակարգից: Խաչատրյանը…

Երեւանի կենդանաբանական այգու տնօրեն Ռուբեն Խաչատրյանը դատական հայց է ներկայացրել լրագրող-բնապահպան Նարինե Կիրակոսյանի դեմ: Այս մասին տեղեկանում ենք Դատական տեղեկատվական համակարգից:

 

Խաչատրյանը պահանջում է զրպարտություն համարվող տեղեկատվության հերքում եւ ոչ նյութական վնասի դրամային հատուցում: Հայցը ներկայացվել է սեպտեմբերի 24-ին: Գործը մակագրվել է Երեւան քաղաքի ընդհանուր իրավասության դատարանի դատավոր Նաիրա Հովսեփյանին:

 

Խաչատրյանի ներկայացուցիչ՝ Արսեն Հարությունյանը մեր զրույցում ասաց, որ հայցի պատճառը Կիրակոսյանի՝ օգոստոսի 25-ին կատարած ֆեյսբուքյան գրառումն է:

 

Նշենք, որ Կիրակոսյանն այդ գրառման մեջ հայտարարել է, որ Ռուբեն Խաչատրյանը միանձնյա ղեկավար իրեն ինքնահռչակելով կենդանական աշխարհին ահռելի վնաս է տվել։

Նա հավելել է նաեւ, որ Խաչատրյանը երկրի հարստություն, պետական սեփականություն համարվող հազվադեպ կենդանիներ է տվել այլ երկրներին։ Կիրակոսյանը նշել է նաեւ, որ Խաչատրյանը գառնանգղերի բազմացող զույգին գողեգող դուրս է հանում Երեւանի կենդանաբանական այգուց եւ տեղափոխում է սեփական հիմնադրամի, այսպես կոչված կենդանիների ապաստարան, որը գտնվում է Արարատի մարզի Ուրցաձոր համայնքի տարածքում:

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7487) Միջազգային (3302) ԱՄՆ (2293) Ռուսաստան (2110) Իրան (1743) Ընտրություններ (1273) Ուկրաինա (829) Երևան (799) Իսրայել (760) Ադրբեջան (624) Փաշինյան (562) Եվրոպա (510) Ընդդիմություն (437) Թրամփ (431) Ազգային ժողով (417)

Radio Aurora

Լսել Radio Aurora

Գովազդային տարածք

300x250