Իսրայելի հատուկ ծառայությունները հորդորում են հրեաներին չայցելել Հայաստան և ոչ միայն
Իսրայելի Ազգային Անվտանգության ծառայությունը «տուրիստական նախազգուշացում» է հրապարակել, որում թվարկվում են այն բոլոր երկրները, ուր հրեական տոնի օրերին Իսրայելի իշխանությունները հորդորում են չայցելել:
Ցուցակը գլխավորում են թշնամական համարվող վեց երկրները` Իրանը, Իրաքը, Սիրիան, Եմենը, Լիբանանը, Սաուդյան Արաբիան: Այս երկրներ այցերն արգելված են օրենքով:
Վտանգավոր են համարվում նաև թշնամի երկրների հարևան պետությունները, այդ թվում չեն խրախուսվում այցելությունները Վրաստան, Հայաստան, Ադրբեջան, Թուրքմենստան, Պարսից ծոցի երկրներ, Աֆրիկա, Կենտրոնական և Հարավարևելյան Ասիա:
Ազգային անվտանգության գլխավոր շտաբը չի երաշխավորում անվտանգություն նաև Թուրքիա, Եգիպտոս և Հորդանան այցերի ժամանակ: Նշվում է, որ այս երկրներում իսլամիստ-ջիհադիստների հատուկ խմբավորումներ են գործում, որոնք հարձակումներ են իրականացնում հրեաների վրա:
