Հայաստանը դեղերի կեղծարարության առումով գտնվում է բարվոք վիճակում. Մելիքյան
Դեղերի կեղծարարության առումով Հայաստանը գտնվում է բավական բարվոք վիճակում: Այս մասին Երևանի պետական բժշկական համալսարանում կազմակերպված «Դեղերի ստեղծման առաջընթաց. Նախագծումից մինչև սպառում» գիտաժողովի ընթացքում Tert.am-ի հետ զրույցում ասել է ՀՀ Առողջապահության նախարարության դեղերի և բժշկական տեխնոլոգիաների փորձագիտական կենտրոնի տնօրեն Լևոն Մելիքյանը:
«Այն դեղորայքը, որը կասկածներ է հարուցում, ուղարկվում է լաբորատորիաներ, ուսումնասիրվում է»,-նշել է նա:
ՀՀ Առողջապահության նախարարության դեղերի և բժշկական տեխնոլոգիաների փորձագիտական կենտրոնի տնօրենի խոսքով` գիտաժողովի ընթացքում մի քանի երկրներից ժամանած մասնագետներ ապագա դեղագետներին ներկայացրին միջազգային փորձն ու ոլորտում եղած զարգացումները:
