«Բյուրեղյա» արցունքներ ունեցող աղջկա մասին մանրամասնում է ակնաբույժը

Ավելի վաղ հայտնել էինք, որ Հայաստանի 22-ամյա բնակչուհի, Արթիկի տարածաշրջանի Սպանդարյան գյուղում բնակվող Սաթենիկ Ղազարյանը սկսել է արտասվել բյուրեղյա արցունքներով:

Ակնաբույժ Տատյանա Շիլովան հավաստիացնում է, որ աղջկա դեպքը, իհարկե, հազվադեպ է, բայց բնավ միակը չէ։ Բյուրեղներն աչքերում կարող են հայտնվել գենետիկ կամ վարակիչ հիվանդությունների պատճառով, այս մասին հայտնում է  News.am-ը։

«Արցունքի մեջ կան սպիտակուցներ, ճարպեր, որոշակի միկրոտարրեր, այն որոշակի իոնային կազմ ունի, և այն աղերը, որոնք մտնում են դրա մեջ, բարձր խտության դեպքում կարող են առաջ բերել բյուրեղացման արագացում։ Արցունքի միջի սպիտակուցները նույնպես կարող են մեծացնել դրա խտությունը»,- ասել է ակնաբույժը։

Չորանալիս հեղուկ սուբստրատը վերածվում է ամուր մարմնի և կարող է անգամ վնասել աչքի արտաքին մակերեսը։

Պատճառը պարզելու համար անհրաժեշտ է հետազոտել պացիենտին, ինչպես նաև հետազոտել հենց բյուրեղները։

Մասնագետի խոսքերով՝ այս խնդրի պատճառը կարող է լինել նաև նյութափոխանակության խանգարումը։ Այս դեպքում բյուրեղներ կարող են գոյանալ լյարդում, երիկամներում, նստվածք տալ օրգաններում աղի տեսքով։ Սա վտանգավոր վիճակ է, որը հետազոտություն է պահանջում։