Ոստիկանների խայտառակ պահվածք. մայրը փորձում էր նրանց ձեռքից խլել դստերը
Ղազախստանի՝ Նուր-Սուլթան, Ալմաթի և Շիքմենտ քաղաքներում անցկացվում են ակցիաներ չինական գործարանի կառուցման, երկրում Չինաստանի տնտեսական ազդեցության ընդլայնման և քաղաքական համակարգի ազատականացման դեմ: Բերման է ենթարկվել մի քանի տասնյակ մարդ:
Պաշտոնական տվյալներով՝ բերման ենթարկվածների թիվը հասնում է 50-ի: Նշվում է նաև, որ ոստիկանությունը խոչընդոտել է լրագրողների աշխատանքին:
Ղազախստանի մայրաքաղաք Նուր-Սուլթանում ոստիկանությունը ձերբակալել է անչափահաս աղջկան, որն իր մոր եւ երկու փոքր քույրերի հետ խանութ էր գնում: Հատուկ նշանակության արագ արձագանքման ուժերի ներկայացուցիչները համարել են, որ անչափահասը մասնակցում է բողոքի ցույցին եւ նրան բռնի տարել են ձերբակալման համար նախատեսված մեքենան: Մայրը փորձել է դստերը խլել իրավապահներից:
