Կրակոցներ Չարբախում

Գիշերը կրակոցներ են հնչել մայրաքաղաքի՝ այսպես կոչված «Չարբախի փոսի» կենտրոնական փողոցում։

Ըստ շրջանառվող լուրերի՝ կրակոցներին արտառոց ոչինչ չի նախորդել, ոչ մի միջադեպ չի եղել։ Պարզապես բնակիչներից մեկը ցանկացել է կրակել ու իր հրազենով փողոցում կրակել է։

Թաղամասում գտնվող ոստիկանական բաժանմունքի ծառայողները ձայներից են տեղեկացել կատարվածի մասին ու արագ հայտնաբերել կրակողին։

Նա բոլորի ներկայությամբ բերման է ենթարկվել։

Թաղամասում այդ անձը բնութագրվում է դրական, սակայն խոսում են, որ կրակել է ալկոհոլի ազդեցության տակ։

Իրավապահները պարզում են դեպքի մանրամասները։