Դանակահարություն Երևանում. ամուսինը դանակով հարվածել է իր կնոջը և օգնության եկած հարևանին

Այսօր ժամը 00։15-ի սահմաններում ոստիկանության Նոր Նորքի բաժին ահազանգ է ստացվել, որ Ավան վարչական շրջանի Սայաթ-Նովա թաղամասի շենքերից մեկի բնակարանում վիճաբանություն է և կան դանակահարված քաղաքացիներ։ Ինչպես դեպքի վայրից հայտնում է ֆոտոլրագրող Գագիկ Շամշյանը,  ոստիկաններն ու քննիչները պարզել են, որ նշված շենքի բնակարաններից մեկւմ տեղի է ունեցել վիճաբանություն, որի ժամանակ ամուսինը՝ 31-ամյա Արսեն Մ-ն, դանակով հարվածել է իր կնոջը՝ 31-ամյա Ինգա Ք-ին, այնուհետև, օգնության եկած հարևանին՝ 44-ամյա Գագիկ Մ-ին։ Նշված վայրից Ինգա Ք-ն «կրծքվանդակի վերին աջ մասի կտրած-ծակած վերք», իսկ Գագիկ Մ-ն՝ «կրծքավանդակի ձախ մասի և որովայնի կտրած-ծակած վերք» ախտորոշմամբ տեղափոխվել են Սուրբ Գրիգոր Լուսավորիչ բժշկական կենտրոն: Քննիչի որոշմամբ Արսեն Մ-ն ձերբակալվել է։ Նշանակվել են մի շարք փորձաքննություններ, այդ թվում՝ դատաբժշկական, դատագենետիկական, դատաքրեագիտական և դատահետքաբանական։ Քննիչի որոշմամբ հանցագործության գործիք դանակն առգրավվել է։ 

Լուսանկարները՝ Գագիկ Շամշյանի