Մանվել Գրիգորյանը կրկին մնաց կալանավորված
ԱԺ նախկին պատգամավոր, գեներալ Մանվել Գրիգորյանի և նրա կնոջ՝ Նազիկ Ամիրյանի դեմ հարուցված քրեական գործով դատական նիստին կրկին ամբաստանյալ Գրիգորյանը ներկա չէր։
«Նաիրի» ԲԿ-ից տեղեկանք կար, որ պատճառը առողջական խնդիրներն են։
Պաշտպանական կողմը կրկին միջնորդեց փոխել ամբաստանյալի խափանման միջոց կալանքը գրավով, այն հիմնավորմամբ, որ Մանվել Գրիգորյանը զրկված է մաքուր օդի դուրս գալու հնարավորությունից։
Պետական մեղադրողներն առարկեցին միջնորդության դեմ, նշեցին, որ միջգերատեսչական բժշկական հանձնաժողովը շարունակում է աշխատել, և Մանվել Գրիգորյանը բուժվում է այն հիվանդանոցում, որտեղ ցանկացել է։
Դատավոր Մնացական Մարտիրոսյանը կես ժամ անց մերժեց Մանվել Գրիգորյանի խափանման միջոց կալանքը 25 մլն դրամ գրավով փոխարինելու պաշտպանների միջնորդությունը:
Դատական նիստը հետաձգվեց: Այն տեղի կունենա սեպտեմբերի 17-ին:
