Վարչապետի ու կառավարության հետ ամբողջությամբ կիսում եմ Ամուլսարի հարցով քաղաքական պատասխանատվությունը. Ռուբեն Ռուբինյան
ՀՀ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանը ֆեյսբուքյան իր էջում գրում է.
«Վարչապետի ու կառավարության հետ ամբողջությամբ կիսում եմ քաղաքական պատասխանատվությունը Ամուլսարի հարցով։ Նույնն անելու եմ ցանկացած ոչ համընդհանուր պոպուլյար որոշման կայացման դեպքում, եթե վերջինս համարեմ ճիշտ։
Ամենայն անկեղծությամբ ցավում եմ նաև բոլոր այն քաղաքացիների համար, որոնք դժգոհ են մեր դիրքորոշումից։ Սակայն քաղաքականությունը՝ բաց ու ազատ քաղաքականությունը, վիճելու, համաձայն չլինելու, հակադիր կարծիքներ ունենալու, սիրելու ու, այո, նաև չսիրվելու մասին է։
Ու հենց այս համատեքստում Թավշյա հեղափոխությունը համարում եմ անբեկանելիորեն դրական ձեռքբերում՝ անկախ նրանից, թե ինչպես կընթանան հաջորդ տարիների իրադարձությունները»։
