Պուտինը կոչումներ է շնորհել վթարված ինքնաթիռը բարեհաջող իջեցրած օդաչուներին

ՌԴ նախագահ Վլադիմիր Պուտինը Հերոսի կոչում է շնորհել "Ուրալյան ավիաուղիներ" ընկերության երկու օդաչուներին, որոնք ավելի վաղ վթարված ինքնաթիռը բարեհաջող կերպով իջեցրել էին Մերձմոսկվայում՝ չնախատեսված վայրում։

Երկրի ղեկավարը այդ մասին հայտնել է Անվտանգության խորհրդի անդամների հետ հանդիպման ժամանակ։

Նա նշել է, որ օդանավի հրամանատար Դամիր Յուսուփովին և երկրորդ օդաչու Գեորգի Մուրզինին շնորհվել է Ռուսաստանի հերոսի կոչում, իսկ օդանավի անձնակազմին՝ Արիության կոչում։