Ինչո՞ւ Քոչարյանի գործը չի մակագրվում դատավորներին. պարզաբանում է Փոլադյանը
ՀՀ դատական դեպարտամենտի ղեկավար Կարեն Փոլադյանը այսօր՝ օգոստոսի 16-ին, լրագրողների հետ զրույցում պարզաբանել է, թե ինչու մինչ օրս ՀՀ 2-րդ նախագահ Ռոբերտ Քչարյանի գործը չի մակագրվել առաջին ատյանի դատարանում:
«Դատական օրենսգրքի համաձայն` դատական համակարգչային ծրագիրը բաշխում է գործերը: Այս պահին առաջին ատյանի դատարանում առկա չէ Քոչարյանի գործը, որպեսզի մակագրվի: Այո´, դատավորի լիազորությունները կասեցվել են և նրա 43 գործերից 37-n արդեն մակագրվել է, բայց այդ գործը չի մակագրվել, որովհետև չի գտնվում առաջին ատյանում»,- ասել է Փոլադյանը:
Նա նշել է, որ Ռոբերտ Քոչարյանի գործը Վերաքննիչ դատարանում քննվել է, կայացվել է ակտ, և գործը այս պահին Վճռաբեկ դատարանում է գտնվում:
