«Արցախը Հայաստան է». վարչապետի հայտարարությունն անդրադարձե՞լ է բանակցային գործընթացի վրա

ՀՀ վարչապետ Նիկոլ Փաշինյանի հայտարարությունը՝ «Արցախը Հայաստան է և վերջ», արդյո՞ք որևէ կերպ կանդրադառնա բանակցային գործընթացի վրա, Ադրբեջանում կարո՞ղ են փորձել ձևաչափի փոփոխություն անել: 

«Մենք արձագանքեցինք առաջինը: ՀՀ վարչապետը հստակ ձևակերպեց, որ այն, ինչ վերաբերում է ՀՀ դիրքորոշմանը, որևէ նոր բան չկա ավելացնելու: Ամենն ասվեց Ստեփանակերտում: Մեր հայտարարության մեջ ՀՀ ԱԳՆ կողմից նորից վերահաստատվեց այն, ինչն ասվեց Ստեփանակերտում: Կարիք չկա նորից ընթերցելու այն հայտարարությունը, որ արել էինք ԱԳՆ-ի կողմից: Մեր կողմից մտադրություն չկա որևէ կերպ շեղվելու այն դիրքորոշումներից, մոտեցումից, որ վերաբերում են խաղաղ կարգավորմանը և որ վերաբերում են մեր դիրքորոշումներին և մեր հավատարմությանը՝ հարցը բացառապես խաղաղ ճանապարհով լուծելուն»,- ասաց նա: