Մարգարիտա Սիմոնյանը ցույց է տվել իր «ծերությունը». լուսանկարում արցախցի 106-ամյա տատիկն է, որը պաշտպանում է իր տունը
RT-ի գլխավոր խմբագիր Մարգարիտա Սիմոնյանն Instagram-ի իր էջում լուսանկար է հրապարակել, որտեղ երևում է 106 տարեկան հայ տատիկը՝ զենքը ձեռքին:
«Պետք չեն ինձ Ձեր Face Up-ներն ու մյուս հավելվածները, որոնց միջոցով կարելի է ծերանալ: Ես առանց այդ էլ գիտեմ, թե ինչպիսի տեսք կունենամ: Ես հենց այսպիսին կլինեմ», — մեկնաբանել է նկարը Սիմոնյանը:
Սիմոնյանի հետևորդները պատմել են, որ նկարում պատկերված տատիկը Մարտակերտից է, որը ղարաբաղյան պատերազմի տարիներին չի լքել իր տունը և հայրենի գյուղը և պաշտպանել է այն զենքը ձեռքին:
