Քաղաքապետ Հայկ Մարությանը վատառողջ է, այդ պատճառով էլ չի կարողացել վարել ավագանու այսօրվա նիստը
Այսօր տեղի է ունեցավ Երևանի ավագանու արտահերթ նիստը, որին քաղաքապետ Հայկ Մարությանը ներկա չէր։
Մամուլում տեղեկություններ են հայտնվել այն մասին, որ Մարությանը հրաժարականի դիմում է գրել, և այդ պատճառով էլ չի մասնակցել այսօր կայացած ավագանու նիստին։
Այս տեղեկության իսկությունը ճշտելու համար Irakanum.am-ը կապ հաստատեց Երևանի քաղաքապետի մամուլի խոսնակ Հակոբ Կարապետյանի հետ, որը վերոնշյալ տեղեկությունը որակել է որպես բամբասանք, ապա հորդորեց չհավատալ բամբասանքներին։
«Քաղաքապետի առաջին տեղակալ Հրաչյա Սարգսյանը նիստի ժամանակ ասաց քաղաքապետի բացակայության պատճառը։ Քաղաքապետը վատառողջ է և այսօր չի մասնակցել նիստին, նա ուղղակի թեթև հարբուխ ունի», – նշեց Հակոբ Կարապետյանը։
