Սև ծովի վրացական ափին տեղումները դադարել են. լողալու արգելքը հանվել է
Սև ծովի վրացական ափին տեղումները դադարել են, և այժմ արևոտ եղանակ է:
Այս մասին հայտնում է Վրաստանում ՀՀ դեսպանության մամուլի ծառայությունը:
«Աջարիայի (Բաթում, Քոբուլեթ, Չաքվի, Գոնիո, Կվարիաթի, Սարփի) հատվածում փոթորկի վտանգ այլևս չկա, և ծովում լողալու արգելքը հանվել է։ Գուրիայի (Ուրեկի, Շեքվեթիլի) և Սամեգրելո-Վերին Սվանեթի (Անակլիա) տարածաշրջանների առափնյա հատվածներում փոթորկի վտանգը դեռևս պահպանվում է»,- նշված է հայտարարությունում:
