Ալեքսանդր Լապշինը՝ Կասկադում ապրող միլիոնատերերի և նրանց շրջապատող աղբի մասին
Բլոգեր Ալեքսանդր Լապշինը ֆեյսբուքյան իր էջում լուսանկար է հրապարակել Երևանից, նկատելով.
«Հայտնի երևանյան Կասկադի վերևում կա նորաձև վիլլաների թաղամաս, որը պարուրված է բետոնե հզոր ցանկապատերով: Այնտեղ ապրում են քաղաքի ամենահարուստ մարդիկ: Մոտակայքում են էլիտար տները, որտեղ յուրաքանչյուր բնակարան արժի հարյուր հազարավոր դոլարներ: Այստեղ ապրող մարդիկ հաջողակ և հարգված են, բայց չեն նեղվում իրենց սեփական մուտքի մոտ գտնվող աղբի լեռներից: Միլիոնատերերը հաճույքով լողում են պատի ետևում ` փտած աղբից երկու մետր հեռավորության վրա գտնվող լողավազաններում: Աղբի կույտի վրա հավաքված ճանճերը ուրախությամբ թռչում են այնտեղ և նստում են արևայրուք ընդունող գեղեցին մոդելների վրա: Երբեք չի պատահել, որ որևէ մեկը 20 դոլար տա ծանր աշխատողներին ՝ աղբը հավաքելու, բեռնատարով բեռնված մեքենան աղբավայր տանելու համար»:
