«Սանիթեք»-ի՝ Թբիլիսիում մամուլի ասուլիս հրավիրելը կարող է վնաս լինել մեր երկրին. Դավիթ Խաժակյան
«Սանիթեք» ընկերության՝ Թբիլիսիում մամուլի ասուլիս հրավիրելը կարող է վնաս լինել և մեր քաղաքին, և մեր պետությանը: Այս մասին այսօր լրագրողնրի հետ զրույցում ասաց Երևանի ավագանու «Լույս» խմբակցության ղեկավար Դավիթ Խաժակյանը:
«Կազմակերպությունը հանդիսանում է օտարերկրյա ներդրող, այդ ներդրողի կողմից հարևան պետության մայրաքաղաքում նման քննարկում իրականացնելը, կարծում ենք, որ ուղղակիորեն ազդելու է Երևանի հեղինակության վրա: «Սանիթեք»-ի ղեկավարությանը պետք է կոչ անեմ զերծ մնալ այդ քայլից, որովհետև դրանով վատ նախադեպ է սկիզբ դրվելու նաև մյուս ներդրողների հարցում: Պատկերացրեք՝ մի շարք միջազգային այլ ներդրողներ ևս ձեզ հրավիրեն այլ պետություններում ասուլիս իրականցնելու և Երևանին կամ Հայաստանին վերաբերող հարցերը քննարկեն այնտեղ: Կարծում ենք, որ այդ ասուլիսը չպետք է այնտեղ տեղի ունենա: Կոչով դիմում եմ «Սանիթեք»-ի սեփականատերերին՝ հրաժարվելու այդ մտքից, վերադառնալու Երևան և այստեղ պատասխանելու երևանցիների ու լրագրողների հարցերին»,- ասաց նա:
Դավիթ Խաժակյանը կոչ արեց «Սանիթեք»-ի ղեկավարությանը զերծ մնալ այդ քայլից։
«Կարծում եմ, որ այս կոչը նաև մեր լրագրողական համայնքը կհղի «Սանիթեք»-ին, որովհետև խնդիրը լոկալ բնույթի է և չի կարող հարևան պետությունում քննարկման առարկա դառնալ», - ասաց նա։
