Ադրբեջանի կողմից Նախիջևանի հատվածում արձակած կրակոցները թիրախավորված չեն եղել. Տոնոյան

Օրեր առաջ Ադրբեջանի կողմից Նախիջեւանի հատվածում արձակած կրակոցները թիրախավորված չեն եղել: Այս մասին լրագրողներին ասել է ՀՀ Պաշտպանության նախարար Դավիթ Տոնոյանը:

«Կրակոցը եղել է ոչ թիրախավորված: Մենք միջոցներ ենք ձեռնարկել, կապ է հաստատված հարևանի հետ, որպեսզի այդ դեպքերը չկրկնվեն»,- ասաց Տոնոյանը:

Հարցին՝ խոսքն այն կապի մասի՞ն է, որի վերաբերյալ վարչապետ Նիկոլ Փաշինյանն հայտարարել էր, Տոնոյանը դրական պատասխան տվեց:

Հարցին, թե ինչպե՞ս է աշխատում կապը, նախարարը Տոնոյանը պատասխանեց. «Դեպքը պատահում է, ստուգում ենք, զգուշացնում ենք, մյուս կողմը միջոցներ է ձեռնարկում: Սա միջնորդված կապ է, խոսում ենք ոչ անմիջական, խոսում ենք նշանակված պաշտոնյաների միջոցով: Սա նորմալ և դրական գործընթաց է»: