Հայաստանի 5-րդ միջազգային բժշկական համագումար. ներկա է ՀՀ վարչապետը
Հայաստանի 5-րդ միջազգային բժշկական համագումարի բացման հանդիսավոր արարողությունը կայացավ հուլիսի 3-ին՝ ՀՀ վարչապետ Նիկոլ Փաշինյան ներկայությամբ:
Համագումարի թե՛ գիտական, թե՛ կազմակերպչական գործընթացներին մասնակցում են ինչպես ողջ աշխարհի, այնպես էլ Հայաստանի առաջատար բժշկական կենտրոնները, մասնագիտական հասարակական կազմակերպությունները և մասնագետները:
Համագումարը ընթանալու է հուլիսի 4-6-ը, անցկացվելու են պլենար և մասնագիտական նիստեր, սեմինարներ և սատելիտային սիմպոզիումներ, դասախոսություններ: Համագումարի ուղղվածությունն է հանրային առողջությունը, բժշկական կրթությունը և առողջապահության քաղաքականությունը, առողջապահության թվայնացումը, պրակտիկ առողջապահությունը և դեղագործությունը: Համաժողովը մեծ ներդրում է ունենալու Հայաստանի և սփյուռքահայ բժիշկների համագործակցության, բժշկագիտության, առողջապահության ոլորտների հետագա զարգացման առումով:
